影片
更多
2021-04-19
57 浏览
中环嘅上班族对呢间位于中环小巷子中嘅泰越餐厅应该都唔会陌生，大大兜嘅份量，便宜嘅价钱，平日喺中午时分总能吸引到一堆辛苦工作咗一个朝早嘅人们过嚟买嘢食。同大部份上班嘅人一样，B仔平时大多数都系中午时分嚟，不过今日早收工，就约咗同事过嚟试下佢哋嘅晚餐质素如何。入到黎先发现，原来佢哋嘅装修颇有心思，系80～90年代嘅香港怀旧风，比大家作为打卡背景很不错。「越式软壳蟹芒果米纸卷$86 」柔软有弹性嘅米纸，包裹住炸得香脆热辣辣嘅软壳蟹、爽口萝卜丝、清新西生菜、香甜芒果同埋自家腌制嘅酸姜，整个配搭颜色丰富，单睇貌相，已令人颇有食欲，而入口则感觉味道丰富，湿润多汁，整体不错，唯独个人本身就唔系特别钟意酸姜，如果你同我一样嘅话，可以叫侍应帮忙通知厨房制作过程唔好落酸姜（呢度嘅侍应非常nice)。「泰式黄咖喱牛腩煲 $78」青椒、红椒、薯仔、洋葱及牛筋腩，望落非常基本嘅材料，却系被炮制得非常美味，黄咖喱椰汁味浓，完全唔辣，配白饭定系蒜蓉包都一流，简简单单嘅美味，已能令人倍感满足。「泰式咖喱虎虾煲 $198」本来想叫佢哋嘅虎虾粉丝煲，不过同事正进行生酮减肥中，为咗配合佢走淀粉，我哋就叫左呢一个虎虾煲，望落
同大部份上班嘅人一样，B仔平时大多数都系中午时分嚟，不过今日早收工，就约咗同事过嚟试下佢哋嘅晚餐质素如何。入到黎先发现，原来佢哋嘅装修颇有心思，系80～90年代嘅香港怀旧风，比大家作为打卡背景很不错。
「越式软壳蟹芒果米纸卷$86 」
柔软有弹性嘅米纸，包裹住炸得香脆热辣辣嘅软壳蟹、爽口萝卜丝、清新西生菜、香甜芒果同埋自家腌制嘅酸姜，整个配搭颜色丰富，单睇貌相，已令人颇有食欲，而入口则感觉味道丰富，湿润多汁，整体不错，唯独个人本身就唔系特别钟意酸姜，如果你同我一样嘅话，可以叫侍应帮忙通知厨房制作过程唔好落酸姜（呢度嘅侍应非常nice)。
「泰式黄咖喱牛腩煲 $78」
青椒、红椒、薯仔、洋葱及牛筋腩，望落非常基本嘅材料，却系被炮制得非常美味，黄咖喱椰汁味浓，完全唔辣，配白饭定系蒜蓉包都一流，简简单单嘅美味，已能令人倍感满足。
「泰式咖喱虎虾煲 $198」
本来想叫佢哋嘅虎虾粉丝煲，不过同事正进行生酮减肥中，为咗配合佢走淀粉，我哋就叫左呢一个虎虾煲，望落橙红嘅颜色好似好辣，但系其实食落去完全冇辣劲，只有辣香，食唔到辣嘅朋友仔都绝对可以handle到，大大只虎虾爽口弹牙，鲜味突出，一食就知唔系冰鲜质素，三两下就比我们吃过清光。
「泰式黑糖珍珠奶茶」
橙橘色嘅泰茶，颜色对路，望落颇正宗，一啖饮落去，独特嘅泰茶茶香、甜而不腻嘅炼乳味、如丝一般嘅顺滑口感，令人工作整天的疲累有种一扫而去嘅感觉，加埋烟韧有咬口嘅黑糖珍珠，我想这就是幸福的味道吧🎈。
张贴
