沙田頭火鍋 (已結業)

最近一直食西餐，好耐冇打边炉，朋友仔话油麻地附近有间火锅店，包保我食到舔舔脷～一入门坐低右手边有几张黑白旧照，小朋友开心咁玩呼啦圈。问伙计先知同餐厅名「沙田头」有关系，餐厅老板同拍档细细个一齐喺沙田头长大，间火锅店就系佢地手足之情嘅象征！我地未入黎就系想试佢个牛味极浓嘅牛皇锅！伙计即刻赞我哋识食，话个汤底由三种牛骨例如牛脊骨大火生熬出黎，一定惹味！而且上面啲坑腩份量多到我地唔洗再嗌牛食😆我自己比较偏好自家手工嘢，就试试手打鲜虾丸同手打鲮鱼丸。大大粒，真系有完整虾仁喺里面，好有咬口，食得出手打真系唔同啲！跟住伙计推荐自家韭菜饺、自家凤城靓水饺、黄金蛋包饺、竹笙猪肉饺，佢都好体贴明白我地想识晒唔同款，所以每样安排两只，真系好多谢佢～结果一咬，真系真材实料，皮薄馅靓，啖啖肉！我最重要黄金蛋包饺，厚厚蛋皮包住虾馅，好好味！西班牙黑豚肉放差唔多两分钟就食得，猪味好浓，百零蚊大大碟～我同我𠮶朋友差唔多食唔晒😂我多嘴问句点解平过其他火锅店啲肉都几高质，先知老板系有经营冻肉生意，所以铺头啲肉会平靓正！龙趸皮出面好少见！唔洗一分钟就食得，好爽口，咬咬下好烟韧！一眼以为鱼肚系猪皮，真系唔识货😂鱼肚一定比猪