土耳其小城 (萬昌樓) (已結業)

今日同朋友行街，行到有少少肚饿就揾间餐厅去医下肚。而呢间土耳其餐厅好有特色风格，睇门口嘅招牌已经感觉到充满异国气息。🇹🇷烤野鸡肉卷饼 $65呢个烤鸡卷饼一份切开两卷，份量劲大!! 入面配有鸡肉,生菜,蕃茄,洋葱同埋有啲沙律酱，食落口感层次非常丰富。🇹🇷木炭烤羊件 $138芫荽籽完美减弱左免治羊肉嘅羊膻味，羊肉肉质都相当嫩，羊膏唔多，完全唔会有肥腻嘅感觉，再加上经靓盐烤过嘅肉系非常入味呀～🇹🇷芒果乳酸 $42浓厚嘅乳酸同酸酸甜甜嘅芒果简直就系十分完美嘅配搭，系炎炎夏日一定需要嘅冰凉饮品🥭🇹🇷薄荷茶都系一大重点，用新鲜薄荷叶放入杯，再倒入啱啱好嘅滚水，加上蜂蜜，清凉之余又非常清甜～🍃🇹🇷蒜油烤饼 $28啱啱摆入口，蒜香同牛油香味一齐攻占左我嘅味蕾，饼都唔会淋，啱啱烤好非常脆口，会想再嗌多d。