漁樂 (皇后山商場)

营业中

休息中

今日到粉嶺皇后山長輩的新居，下午茶時間長輩推介大家到屋邨內的漁樂。一行大約10人坐低後，見到餐牌的價錢都幾大眾化，絕對配合做到公共屋邨的茶餐廳。而食物的質素亦絕對唔馬虎。家人叫咗冬陰功扎肉湯粉，另加一個碗仔翅，熱美祿湯粉的配料都算豐富，而且扎肉亦採用較為優質的。我就叫咗輕量海南雞雞油香飯，配碗仔翅，凍奶茶走甜海南雞份量OK, 肉質一般，雞油飯可以。碗仔翅味道唔錯，份量唔多，有小小過稀。凍奶茶份量多，不過略為唔夠茶味。整體性價比高，食物亦絕對合格，我居於皇后山的長輩亦重點推介，附近街坊有機會可以試下。