香葉灣 (海濱匯)

营业中

休息中

今日同友人逛观塘海滨之后见到隔离有个海滨汇，入面好多餐厅选择，见到未试过香叶湾，就入去试下。见到有得锯扒，价钱相宜，就非常想食。午餐黎讲，香叶湾一个套餐包嘅野都算多，有汤有野饮有主菜，而且份量都有惊喜。落餐后店员会即刻送上中汤，我地就慢慢边饮边等主菜。对于在职人士黎讲，午餐配碗足料中汤简直系养生之选。主菜方面，友人拣左肉眼牛扒配烧汁薯菜，我就拣左鸳鸯扒（猪+鸡）配黑椒汁薯菜。成块扒大块过我块面，而且薯菜份量都非常多。主菜上桌果阵仲热辣辣，趁热食上口嘅感觉非常juicy。再配上一杯特饮，今个午餐就大满足啦！友人系附近返工，我相信佢应该会食过翻寻味，多多帮衬呢间高性价比餐厅。