龍鳳祥餃子館 (已結業)

带左个外国朋友去完庙街，就决定带佢试下北方食物。呢度好近地铁站，又喺长期大排长龙既澳牛隔离，好易揾。话明饺子馆当然要食饺子，呢度嘅饺子全部都系人手即刻包，今次我地就叫左一碟双拼饺。一半系常见既韮菜猪肉饺，韮菜同猪肉比例岩岩好，又唔会太浓韮菜味，外国朋友第一次食都接受到。另一半系蕃茄鸡蛋饺，蕃茄唔会出哂水，d蛋仲系一粒粒，有蛋味，唔系好多地方会有呢款饺，嚟到一定要试下！除咗饺子我哋仲要左一碗红烧肉拌面，红烧肉完全唔肥，非常入味，个人应为加少少醋，成碗面更加香。仲要多左个鸡丝粉皮，d麻酱唔会太稀太稠，而且好多青瓜同鸡丝，好食！呢间小店既食物性价比好高，d服务员都好亲切，外国朋友都话冇介绍错！