肉骨皇 (已結業)

揾食行远d，今次去到大坑食马拉野！大坑呢间肉骨皇我真系好钟意，一黎好坐，二黎好食，三黎唔贵，已经黎encore过好多次。叫得肉骨皇，紧系要试下招牌肉骨茶啦，汤底药膳味浓，甘甜度都好balance，猪骨份量亦好多，肉质劲软林林，点埋个蒜味黑酱一流！值得一提既系个油饭超香，斋食已经可以食一碗饭！我朋友就叫左个马来炒公仔面，个面炒得好香，唔油腻，唔会太辣，而且足料，抵赞！午餐跟餐加10蚊仲有碟油菜，加15蚊就有2串沙嗲牛串烧，个沙嗲酱出色，牛肉亦好浓味，正！最后叫埋杯椰冰汁，真系完美既午餐呀！