越風味地道越南料理

营业中

休息中

同朋友系旺角行完街，就打算是但去揾啲野食，见到呢间越南餐厅，店员系门口热情招呼，可能因为价钱好亲民餐厅到夜晚9点都仲有多食客。因为我哋好口渴，入到去未点嘢食，先叫咗个椰青。佢椰青大大个好鲜甜，超多汁第一次见椰青啲汁系咁满。下龙湾墨鱼饼，点嘅时候职员话墨鱼饼系越南直送，所以份量唔会好多，但我觉得两个人食刚刚好，而且墨鱼超弹牙又好重墨鱼香味，好值得试一试。越式生菜包，份量好大份。因为我哋食得辣，所以点左辣，味道唔会好辣但就有种胡椒嘅香味，再加埋洋葱，食落味道好好。如果唔食得辣，可以点走辣。牛油果软壳蟹米纸卷，我觉得去食越南菜，米纸卷喺必点。因为同我哋平时食嘅广东炸春卷真系好唔同。软壳蟹炸得好脆口。主菜，我地点左生熟牛肉汤河。正宗嘅越南河粉真系挂汤。每一啖都有牛肉汤嘅味道。好入味。熟牛肉就比较重牛肉味，但口感会比生牛肉硬少少。个人就比较推介生牛肉，因为入口有种软绵绵既口感，但又不失牛肉味。朋友去过越南，都话比得上当地食过嘅生牛肉河粉。点解咁多野食，最后两个人都只系$300左右，绝对系大件夹抵食。下次一定会再黎食！