影片
更多
2018-11-15
934 浏览
#LuBie深水埗系深水埗西九龙中心既foodcourt云云咁多间食店之中 俾一间个名几有趣既铺头吸引左我既目光 因为心谂空姐同牛肉饭究竟有咩关系 唔通系个空姐系度煮牛肉饭😂因为佢个名所以走左去试。🔽原来叫空姐既原因系因为呢间铺既老板婆🍱空姐牛肉拼寿喜烧鸡翼饭（大）w/🍱吉野豚肉饭拼寿喜烧鸡翼饭（大）呢两碗饭既size真系好惊人 系平时车仔面外卖碗既size 而且饭加埋𩠌既份量已经去到同碗口平排 可想而知有几足量。饭应该系珍珠米黎既 睇落都算粒粒分明，实感就淋身少少 可以系因为吸左啲肉汁，食落带甜味同肉既油香 味道唔差，另外姐姐都好贴心问我地洗唔洗多啲汁 仲另外比多左兜汁俾我地。🔽𩠌方面 牛肉同豚肉都比想像中煮得嫩 同好有肉汁 而且肥瘦均匀 虽然肉味较淡 但个人认为不下于连锁店既质素 份量则多好多。寿喜烧鸡翼带清淡既甜味 煮到岩岩熟 肉好嫩滑 而且好入味 黎到一定要试。🔽🍖芝士炭烧鸡串烧肉够肥美 有啲肥膏 食落好滑 加埋佢个烧烤酱既味道 几惹味，上面个芝士酱就有啲多余 因为无咩味道 食唔出系芝士酱 唔加返而会更加好味。🔽🥗日本胡麻鲜菜沙律（大）22蚊有咁大兜既沙律真系好抵食 而且个沙
系深水埗西九龙中心既foodcourt云云咁多间食店之中 俾一间个名几有趣既铺头吸引左我既目光 因为心谂空姐同牛肉饭究竟有咩关系 唔通系个空姐系度煮牛肉饭😂因为佢个名所以走左去试。
🔽
原来叫空姐既原因系因为呢间铺既老板婆
🍱空姐牛肉拼寿喜烧鸡翼饭（大）w/🍱吉野豚肉饭拼寿喜烧鸡翼饭（大）
呢两碗饭既size真系好惊人 系平时车仔面外卖碗既size 而且饭加埋𩠌既份量已经去到同碗口平排 可想而知有几足量。饭应该系珍珠米黎既 睇落都算粒粒分明，实感就淋身少少 可以系因为吸左啲肉汁，食落带甜味同肉既油香 味道唔差，另外姐姐都好贴心问我地洗唔洗多啲汁 仲另外比多左兜汁俾我地。
🔽
𩠌方面 牛肉同豚肉都比想像中煮得嫩 同好有肉汁 而且肥瘦均匀 虽然肉味较淡 但个人认为不下于连锁店既质素 份量则多好多。寿喜烧鸡翼带清淡既甜味 煮到岩岩熟 肉好嫩滑 而且好入味 黎到一定要试。
🔽
🍖芝士炭烧鸡串
烧肉够肥美 有啲肥膏 食落好滑 加埋佢个烧烤酱既味道 几惹味，上面个芝士酱就有啲多余 因为无咩味道 食唔出系芝士酱 唔加返而会更加好味。
🔽
🥗日本胡麻鲜菜沙律（大）
22蚊有咁大兜既沙律真系好抵食 而且个沙律一啲都唔hea有好多既沙律菜 青瓜片 车厘茄 而且胡麻酱落得好够多，个酱味道几好 捞沙律味道唔错。
🔽
总括黎讲性价比几高 食物味道唔错 份量又多 值得回头再帮衬。
📍神户食堂 空姐牛肉饭
📍深水埗钦州街37k西九龙中心8楼34号铺
张贴
