越粵棧

营业中

休息中

成日都话高手在民间，呢间九龙城隐世小炒无得顶，真系可以做到价钱实惠却质素极高真系可遇不可求。我地5个人叫了7样野食，分别有呢度10大名菜之中嘅当红炸子鸡半只、越式炸虾饼同埋金蒜大虾木桶饭，另外仲点了煎杂鱼、大豆芽炒鸡杂、香煎莲耦缾同埋椒盐白饭鱼。炸子鸡嘅皮炸得又璧脆又香，鸡肉好嫩滑。椒盐白饭鱼都几大条，少少辣，好有避风塘风味。煎杂鱼一共有4条，煎到D鱼好香好脆好鲜味，连D鱼旗都脆真心好食。香煎莲耦缾同我想像嘅有D唔同，我以为系莲耦先切片再酿鱼肉落去然后再煎，原来呡度系莲耦切粒然后混入鱼肉再煎成饼状，呢个几好食。呢味金蒜大虾木桶饭我觉得全晚最好食嘅，我地5个人每人大约有2.5碗，入面D饭吸收晒荷叶同埋蒜蓉开边虾D汁，真心正。大豆芽炒鸡杂算系中规中矩，材料都算新鲜嘅。越式炸虾饼都唔错，香口得黎又弹牙，D虾味都几香。