影片
更多
2023-10-31
1635 浏览
近期居住嘅环境变左，离开左生活超过廿年嘅红土区，黎到细个都经常打等嘅马鞍山区生活🏡当时资讯科技冇咁发达，冇咁多人评论边区边区有咩好野食👀但细个果阵而家觉得马鞍山区系冇野食，系落街食都冇咩野特别想试果种👀不过听闻近5-10年其实呢一区都变化得好大，可能随著愈黎愈多嘅私楼落成，唔再系以前嘅居屋集中地（除左新港城一带）所以连带食店都多左好多选择😀今日自己一丁友揾野食嘅时候就揾到呢间毫不起眼但听讲已经有廿年历史嘅米线铺黎试试佢星期日下午两点黎到，地理位置的确唔易揾而且店舖面积真系比较细，不过而家嘅香港，揾小店食野先系乐趣之前都做个下资料搜集知道佢出名d乜，所以就叫左碗酸菜麻辣鸡米线+臭豆腐呢到几好就系米线嘅size可以自己拣，咁我就叫左个中试试佢，份量都唔细，不过比较食得多野嘅男性就可能争少少麻辣鸡系呢到嘅名物，采用嘅应该主要以鸡胸肉为主，不过食落唔算干柴，咬落去麻辣味好强烈，但唔至于呛喉，系属于“辣得好过瘾”果种，所以会令人欲罢不能不过唔食得辣又想试，就真系要分开上唔好放落个汤到，放左落个汤系会令到碗米线起码有连锁谭x 三x嘅麻辣5少嘅辣度，而鸡就一定仲辣过个汤因为已经入晒味麻辣鸡会配埋洋葱
不过听闻近5-10年其实呢一区都变化得好大，可能随著愈黎愈多嘅私楼落成，唔再系以前嘅居屋集中地（除左新港城一带）
所以连带食店都多左好多选择😀
今日自己一丁友揾野食嘅时候就揾到呢间毫不起眼但听讲已经有廿年历史嘅米线铺黎试试佢
星期日下午两点黎到，地理位置的确唔易揾而且店舖面积真系比较细，不过而家嘅香港，揾小店食野先系乐趣
之前都做个下资料搜集知道佢出名d乜，所以就叫左碗酸菜麻辣鸡米线+臭豆腐
呢到几好就系米线嘅size可以自己拣，咁我就叫左个中试试佢，份量都唔细，不过比较食得多野嘅男性就可能争少少
麻辣鸡系呢到嘅名物，采用嘅应该主要以鸡胸肉为主，不过食落唔算干柴，咬落去麻辣味好强烈，但唔至于呛喉，系属于“辣得好过瘾”果种，所以会令人欲罢不能
不过唔食得辣又想试，就真系要分开上唔好放落个汤到，放左落个汤系会令到碗米线起码有连锁谭x 三x嘅麻辣5少嘅辣度，而鸡就一定仲辣过个汤因为已经入晒味
麻辣鸡会配埋洋葱，我个人就麻麻地，不过的确系有种清新嘅感觉，但我就觉得洋葱配落碗米线到就唔太夹因为其实呢到嘅汤系好清嘅猪骨汤底，系似家的味道嘅果种清而不淡，可以想像下屋企煲汤，清鸡汤或者猪骨汤落洋葱嘅话就系唔太夹，反而几时会落洋葱？就系罗宋汤、蕃茄薯仔汤呢d本身味浓，需要透过洋葱嘅甜黎做到个balance
所以呢碗米线有洋葱，就唔太合我河车
讲番碗米线，米线质感偏淋但未至于一夹就散，所以唔算overcooked，但如果好似我咁个人口味系钟意爽身弹牙嘅，可能就唔太啱喇
臭豆腐，相传起源嘅故事同芝士差唔多，都系误打误撞将d野摆到发酵(臭)左，又有烈士食完发觉好好食，就发扬光大
其实臭豆腐有好多派别，港版、中国大陆版、台湾版都有差别当然我地钟意食嘅都系食开港版先试埋其他版本嘅，而呢到都系港版臭豆腐，黄皮干身冇落酱汁
落单前职员已经同我讲，未够时间会唔够臭，有少少偏酸问我接唔接受？
讲真，我好欣赏呢间铺嘅做法，先小人后君子，讲到明话你知今日出品系唔够臭你唔好食完嫌我唔臭呀
好，我就钟意你够坦白，一于试试佢！
拿，炸野不嬲个大原则都系即叫即炸热辣辣实冇死，咁呢到小店就基本上唔会出事上枱的确闻落唔算臭，不过“香”味系有嘅食落去都系外脆内软，先系有淡淡嘅臭味然后就系好薄嘅发酵酸味，食完都仲系有余韵讲真呢碟臭豆腐系收货嘅，当然我一定会黎再试一次所谓够时间嘅臭豆腐先可以再判断真实嘅水准啦，不过以佢地包左底讲到明嘅情况下，呢碟臭豆腐，收货嘅
总括黎讲，小店嘅环境大家唔好要求咁多，热门时间黎我谂都要等一阵，不过以麻辣鸡同个汤头黎讲，水准绝对系有，值得大家一试
张贴
