流落民間 (已結業)

又另一个又热又纳闷嘅一日，走嚟西贡食吓lunch先😎吞拿鱼沙律虽然系好普通嘅吞拿鱼，但卖相绝不马虎，喺最顶有一旧薯仔，而唔系求其捞埋一碗沙律咁样；吞拿鱼嘅份量非常慷慨，青椒红椒都非常新鲜爽脆，仲有橄榄添，见你咁有诚意，我唔食橄榄都食哂佢啦！香炸吉列鱼柳伴炒饭配日式咖喱汁 ($88)平时唔太钟意乱咁食吉列嘢，好惊用万年油炸，又唔钟意炸浆厚过旧鱼，除非，我对𠮶间餐厅有信心。见佢嘅配搭咁正有炒饭，试吓先，好在冇令我失望！两块鱼柳算大，炸得唔算系金黄色，但胜在唔油腻，冇一阵油味，卖相几好，炸浆唔厚但脆，系紧贴住鱼柳，唔会一咬即散，当然我唔expect会系新鲜鱼柳，但起码鱼柳冇浓郁嘅雪味；炒饭粒粒分明偏硬身，咖喱汁入面有薯仔粒、车厘茄及红萝卜粒，捞饭食无得顶！果然，吉列食物真系唔可以乱食！店员服务态度非常好，每次我讲完“唔该”之后都有讲返“唔使客气”..... 环境舒适，食物好味，服务良好，👏 不枉我千里迢迢嚟食啊！