蒲公英和牛專門店

营业中

休息中

食咗好多次，每次嚟到之后都发现呢度越食越多人。我有一个同事平时唔太喜欢主动塭嘢食都识得过嚟食。跟住我就问佢点解会识得过嚟，佢话原来系另外一个朋友又系观塘做嘢介绍的，所以我深信呢度咁多人都系人传人嘅方式介绍过来，果然好味嘅嘢唔难发现。但系先讲讲态度，一开始就净系得两三个人喺度时候态度系几好，但系越来越多人食嘅时候多咗亲戚，全部都系上一辈子的人，感觉特别恶。讲返味道，呢两个得两个味，一系就韭菜味，一系就白菜味。之前佢虽然有问过都话其实全部都系厚皮，而家佢有张纸可以比我填，就真系有分到薄皮同厚皮。煮法就有两种，煎同烚。个人就比较钟意食烚。今次就叫咗个厚皮嘅白菜饺子同埋薄皮嘅韭菜饺子。如果食1烚嘅话其实分别唔会太大，只不过厚皮咬落去会更有质感。味道就真系几好食，有菜香，有肉香。如果你问我系唔系真系用鹿儿岛嘅黑豚猪，我就真系答你唔到。但系佢嘅猪质地系比较嫩，脂肪小，感觉唔会好肥，饺子都包到好饱满。煎嘅饺子我就建议系食薄皮嘅，因为咁样个饺子会煎出脆皮，会更加好食，厚皮反而会煎唔出呢一个感觉。负责整饺子同包饺子个姐姐，其实都系讲普通话嘅，我估计饺子应该系佢嘅家乡小食之一，所以有咁好嘅手势。