生生。泰港知味 (已結業)

香港系一个饮食天堂，世界各地嘅美食系香港都唔难揾到。至于泰国菜更加系多不胜数。今日我同朋友经过湾仔，离远就见到一间好高格调嘅泰国菜，位于湾仔嘅大街，单边转角铺，灯光火著，好sharp醒。店内光线充足，而且应该系啱啱新装修，店内嘅设计随意而显得优雅，座位寛躺舒适，而且又宁静，可以好好地咁倾下计。尽诉心中情店内两边落地玻璃，对住人来人往嘅大街，别有一番情调。我哋叫咗个人气热卖二人套餐冬阴公汤香料好多，而且好重椰汁味同香茅，仲有大大只虾系入面，加上一啲嘅菇类，酸味同辣味刚刚好，而且用一个蓝色嘅碗装住， 十分别致。炸虾饼拼炸春卷炸虾饼炸得好香脆，入面啲虾胶好爽口弹牙，至于春卷，除咗香脆之外，入面嘅材料都好丰富，呢两味炸物配上泰式辣酱简直一流。泰式串烧有猪肉同埋鸡肉，味道十分惹味，火候烧到啱啱好，肉质鲜嫩，配上秘制嘅酱汁，香浓美味，一试难忘。海南鸡饭佢嘅海南鸡外滑内嫩，鸡皮鲜黄色爽口弹牙，肉质细嫩，鸡味突出，而且无骨啖啖肉，就算连鸡胸肉都好滑不过最可惜嘅系我配嘅系白饭，因为油饭已经卖晒啦，有点儿美中不足。呢味马拉盏炒杂菜，就认真丰富啦，入面有芥兰，西兰花，菇，香浓嘅马拉盏味道，浓郁芳香，而且份量