紫醉軒 (已結業)

朋友介绍，有间特色中菜配酒吧既餐厅，地点又方便系旺角，趁今晚有时间黎品尝一下。一出䢂门已经见到间紫蓝色做主调既餐厅，环境装修有格调，坐位宽敞舒适，餐厅仲有个酒吧，可以相约一班同事朋友饮下食下。 依度环境咁好，未睇menu, 仲以为食物价格好贵添，点知一睇价钱相当大众化。 姜葱生蚝煲： 最紧要多系多姜葱，生蚝份量多，肥大肉厚好鲜味，酱汁味道都唔错。奶香黄金虾： 份量十足有睇头，虾超大只又多，热辣辣外皮好香脆，啖啖肉虾仁好鲜味，一定要食。黑蒜蒸斑球：依个配搭同味道第一次食，有新鲜感加特色，黑蒜有益又好香，鱼下面有一层薯粉，三样野夹埋一齐食好惹味好夹。莞香啫啫鸡煲： 味开煲盖已经闻到香喷喷，鸡肉好入味，完全吸收晒d酱汁，味道惹味浓度适中（有d 餐厅有时会太浓太咸）鸡肉又嫩滑，肉质一d 都唔鞋，食到停唔到口。依度真系好正，有时想食下中菜同朋友倾下计，但酒楼会太嘈，真系唔会倾得耐。依度中菜配酒吧，有音乐播放，但唔会嘈吵。仲有个露台可以坐outdoor。 服务员态度有礼貌。真系一间好全面周到既餐厅。