Bostonian Seafood & Grill (已結業)

今日公司请食饭，出手好阔绰，来到朗廷酒店，试下呢间 bostonian seafood and grill, 好开心。真系太少食高级嘢，西餐餐牌唔系好识睇，不过大概估到系食咩肉，拣咗红酒烩牛扒。卖相好靓，知道系牛面颊的部分，但系冇谂过煮到好淋，觉得冇晒肉嘅质感， 似系炆牛腩咁嘅质地，个人口味不太喜欢，比较喜欢食西冷牛扒质地多啲。朱古力mousse好好味，上面两粒波波系朱古力松饼仔，好过瘾，软滑我mousse上面配搭松饼，再加上松饼上面又有啲脆脆口感嘅焦糖，层次好丰富，食嘅期间，侍应再淋上热朱古力酱任你点，朱古力控的我非常喜欢！