CHI Tachinomi (屯門市廣場) (已結業)

大商场有良心靓装日本店系屯门人嘅幸福啊！（非屯牛唔好在Aeon 落电梯啊，好似行唔到去）今次两人食晚餐，入到去就闻到串烧香气，令人真系更加有食欲。我地嗌左一个dinner set, 有前菜拣咗矶煮饱鱼、串烧香菇同埋玉子烧、午餐肉烧、仲有大阪牛肉饭、同埋饮品（拣乂咗玄米茶，期间吹左好多水，店员都好乐意同快手帮我地加水加茶。另外我地亦散点咗芝士年糕烧、鳕鱼烧、烧牛舌、手羽烧、烧生蚝❤️、梅酒。埋单$550，虽然上菜极快，但大部份菜式都细心烧烤、调味，其实真系超好食。可惜系牛舌好香，但好韧，几乎咬唔开啊🥺。我地都劲钟意矶煮饱鱼（大推！！）、午餐肉烧（劲厚、juicy、卖相超吸引，点解会烧得咁好味！）、鳕鱼烧（好松化，食到停唔到口嘅鱼咸香）、烧生蚝（creamy!)、芝士年糕烧（超正！！！）、大阪牛肉饭好大碗，牛肉劲多，炆/煮得入味同好淋。好值得再黎支持下呀！咁方便，坐得舒服，唔好错过。真心。