影片
更多
2023-12-13
875 浏览
无论是应酬饭局、又或是家庭朋友聚会，中菜是个好选择，今次同一班同学仔聚会就嚟到位于铜锣湾「名㕑」，餐厅全部以独立VIP房为主，环境舒适，私隐度十足，好适合商务聚餐！沙姜猪手$158起晒骨切割成方型，入口皮脆爽口，带有香香姜味道，清爽开胃，系一道绝佳冻食前菜！西洋菜猪踭汤$68/位用料足，一上枱就有好香西洋菜味清香扑鼻，清甜可口，解燥润肺！龙皇藏金衣$（时价）创新做法，师傅将做酸菜鱼汤汁和手工河粉、红薯粉结合一齐，再以南澳龙虾🦞取代鱼，龙虾鲜甜弹牙，双粉味带酸辣，烟靭爽滑！横行抱玉$（时价）肉饼造型精美，面层原只膏蟹，下层系猪颈肉肉饼，肉饼用咗绍兴酒和酱油调味，再加上蟹嘅鲜味渗进了软腍肉饼，大大提升风味！家乡酱爆鲍鱼鸡煲$688用咗豆豉、花雕腌制过嘅龙岗鸡，非常入味，而鲍鱼用清酒、味醂以增强风味，鲍鱼入口鲜味爽弹，鸡肉嫩滑！大澳虾膏蒸肉筋$198非常珍稀菜式，因为每只猪只有一条肉筋，师傅将肉筋去肥再用本地虾酱同炸过嘅鲜竹一齐蒸煮，十分惹味！芥兰两味煲$168煲仔上，面层铺满肉松，同炸到好脆芥兰叶，下层嘅芥兰度抄得好香，入口爽脆鲜甜，同肉松又几配搭！香煎粢饭$22/件入面有虾米、瑶柱同湖南
沙姜猪手$158起晒骨切割成方型，入口皮脆爽口，带有香香姜味道，清爽开胃，系一道绝佳冻食前菜！
西洋菜猪踭汤$68/位用料足，一上枱就有好香西洋菜味清香扑鼻，清甜可口，解燥润肺！
龙皇藏金衣$（时价）创新做法，师傅将做酸菜鱼汤汁和手工河粉、红薯粉结合一齐，再以南澳龙虾🦞取代鱼，龙虾鲜甜弹牙，双粉味带酸辣，烟靭爽滑！
横行抱玉$（时价）肉饼造型精美，面层原只膏蟹，下层系猪颈肉肉饼，肉饼用咗绍兴酒和酱油调味，再加上蟹嘅鲜味渗进了软腍肉饼，大大提升风味！
家乡酱爆鲍鱼鸡煲$688用咗豆豉、花雕腌制过嘅龙岗鸡，非常入味，而鲍鱼用清酒、味醂以增强风味，鲍鱼入口鲜味爽弹，鸡肉嫩滑！
大澳虾膏蒸肉筋$198非常珍稀菜式，因为每只猪只有一条肉筋，师傅将肉筋去肥再用本地虾酱同炸过嘅鲜竹一齐蒸煮，十分惹味！
芥兰两味煲$168煲仔上，面层铺满肉松，同炸到好脆芥兰叶，下层嘅芥兰度抄得好香，入口爽脆鲜甜，同肉松又几配搭！
香煎粢饭$22/件入面有虾米、瑶柱同湖南火腿，口感有点像煎糯米鸡一样外脆内糯，并散发海味的咸香！
冬蓉薏米糖水$60/位足料原盅上，有冬瓜蓉同薏米，入口清甜顺喉！
张贴
