影片
更多
2019-07-17
2163 浏览
高银贵为九龙湾嘅甲级写字楼，入面嘅食肆亦非常高质。今日终于有机会嚟大松日见识一下。大松日主打高质日本料理，店舖面积好大，枱距宽阔，私隐度好高。店内划分有堂食 、铁板烧、手握寿司三大区域。今日系部门食饭，所以冇坐吧枱，唔可以近距离接触到厨师精湛嘅厨艺！有少许可惜 是日嘅精选和御膳套餐$480 - 有6道菜肴加味噌汤、甜品。前菜 - 露笋杂菌，味道清淡，开启味觉之旅。刺身 - 材料新鲜，三款刺身肉质弹牙，鲜鲜鲜！煮物 - 系季节限定，今日系冬瓜。鲣鱼汤嘅味道完全渗透响冬瓜入面，清甜可口。天妇罗 - 有白肉鱼、虾、青辣椒、小黄瓜，配以三款味盐（抹茶盐、胡椒盐、七味盐）同埋萝卜蓉天妇罗汁，完美！薄烧牛肉 - 牛肉入面夹满蒜蓉＋葱花，以铁板烧做法制作，香到不得了！醋物-水云，甜甜酸酸，化解前几道菜嘅油腻感。味噌汤 - 减咸嘅味噌味道清淡，配搭油豆腐皮，口感马上丰富晒！饮啖汤真系好舒服呀！樱花虾土锅饭 - 虾干好香，饭粒软糯，好似食紧糯米饭咁！甜品 - 是日甜品系黑芝麻雪糕，芝麻味香浓讲到服务 - 店员会仔细讲解每道菜肴服务有效率之余又好细心 价格方面，$480一个午餐系有啲奢侈，但久唔久一次令
大松日主打高质日本料理，店舖面积好大，枱距宽阔，私隐度好高。店内划分有堂食 、铁板烧、手握寿司三大区域。今日系部门食饭，所以冇坐吧枱，唔可以近距离接触到厨师精湛嘅厨艺！有少许可惜
是日嘅精选和御膳套餐$480 - 有6道菜肴加味噌汤、甜品。
前菜 - 露笋杂菌，味道清淡，开启味觉之旅。
刺身 - 材料新鲜，三款刺身肉质弹牙，鲜鲜鲜！
煮物 - 系季节限定，今日系冬瓜。鲣鱼汤嘅味道完全渗透响冬瓜入面，清甜可口。
天妇罗 - 有白肉鱼、虾、青辣椒、小黄瓜，配以三款味盐（抹茶盐、胡椒盐、七味盐）同埋萝卜蓉天妇罗汁，完美！
薄烧牛肉 - 牛肉入面夹满蒜蓉＋葱花，以铁板烧做法制作，香到不得了！
醋物-水云，甜甜酸酸，化解前几道菜嘅油腻感。
味噌汤 - 减咸嘅味噌味道清淡，配搭油豆腐皮，口感马上丰富晒！饮啖汤真系好舒服呀！
樱花虾土锅饭 - 虾干好香，饭粒软糯，好似食紧糯米饭咁！
甜品 - 是日甜品系黑芝麻雪糕，芝麻味香浓
讲到服务 - 店员会仔细讲解每道菜肴服务有效率之余又好细心
价格方面，$480一个午餐系有啲奢侈，但久唔久一次令自己开心吓都系好嘅！
张贴
