皇軒私房菜 (裝修中)

是日庆祝家人生日，我地一早就book左位于尖沙咀新开嘅私房菜。呢度地方虽然细，但系环境宁静，系倾计嘅好地方。招牌石岐乳鸽: 店员非常细心，为我们每人送上一对手套，等我地可以用手撕黎食，非常满足。乳鸽新鲜炸起，入口热辣辣，外皮又薄又脆，肉汁丰富，好入味，唔洗沾椒盐都得，作为前菜真系无得顶呀。柚子鸭胸: 鸭胸平时就食得多，配柚子食都系第一次。肉质粉嫩绵滑嘅鸭胸上加入柚子酱，味道相当清新。咸菜胡椒猪肚: 猪肚爽口弹牙，胡椒味刚刚好，入口唔会太辣，加入咸菜后，味道浓郁，口感丰富。咕噜猪颈肉:猪颈肉本身已经高脂肪，本身觉得经油炸后应该会好油，但系用黎整咕噜肉嘅话，可能因为加入左酱汁，彩椒同新鲜菠萝后，所以感觉唔算太油腻，卖相亦都色彩缤纷，非常吸引。食咕噜肉又点可以无饭送呀，由于我地唔想太寡，所以无拣白饭，而系拣左XO酱鲍鱼粒炒饭。XO酱鲍鱼粒炒饭: 加入左xo酱嘅炒饭卖相较深色，鲍鱼粒相当爽脆，加埋脆肉瓜粒后相当有口感，一边食炒饭一边食咕噜肉，真系完美嘅配搭呀。今晚嘅菜式，无论味道同卖相都唔错，睇得出厨师好有心机为我地预备，除此之外店员都好好招呼我地，令我地渡过左一个难忘嘅晚上。