影片
更多
2021-06-07
75 浏览
公司楼下开咗一间好精致嘅中菜馆，一路都冇机会试，今晚终于可以同好姊妹一齐品尝美食。一入门口就见到一大个书架，喺食肆里面见到呢一种装修，感觉截然不同，充满文化气息，行入啲见到另一幅花墙亦相当有特色，亦都与店名「探花」互相辉映。餐厅地方都唔细，我哋坐近靠玻璃嘅地方，望到街景感觉比较光猛宽敞。枱面精致嘅餐具，再加上注明是英记茶庄嘅茶，绝对是高一级嘅享受。晚餐有二人套餐（ $488 ），亦都可以散叫，点赛后店员立即送上话梅车里茄子，原来所有晚市嘅客人都会免费获得呢个餐前小食。剥咗皮嘅车厘茄用话梅浸过，面头还有桂花点缀，酸酸甜甜劲多汁，清润又开胃。跟住有红虾多士（ $78 /两件），上枱嘅时候已经闻到虾味浓郁，还有用红虾头和虾膏熬制嘅酱汁，多士脆脆的，只虾真系好鲜味，赞！烟熏素鹅（$78 ），用腐皮包住切碎嘅红萝卜/莴笋/菇，材料本身清清地，咬落爽口，同时烟熏味相当浓烈，拎斋菜更添一层味觉，而且上菜时更有特别冒烟效果，非常有心思。主菜方面点要了一个拔丝咕噜肉（ $158），真系可以拉丝㗎，外皮趣卜卜，甜丝丝又好香口，好味！另外一个手撕包菜（ $108 ），其实就系炒椰菜，好新鲜，味道够！仲有干炒
公司楼下开咗一间好精致嘅中菜馆，一路都冇机会试，今晚终于可以同好姊妹一齐品尝美食。一入门口就见到一大个书架，喺食肆里面见到呢一种装修，感觉截然不同，充满文化气息，行入啲见到另一幅花墙亦相当有特色，亦都与店名「探花」互相辉映。
餐厅地方都唔细，我哋坐近靠玻璃嘅地方，望到街景感觉比较光猛宽敞。枱面精致嘅餐具，再加上注明是英记茶庄嘅茶，绝对是高一级嘅享受。
晚餐有二人套餐（ $488 ），亦都可以散叫，点赛后店员立即送上话梅车里茄子，原来所有晚市嘅客人都会免费获得呢个餐前小食。剥咗皮嘅车厘茄用话梅浸过，面头还有桂花点缀，酸酸甜甜劲多汁，清润又开胃。
跟住有红虾多士（ $78 /两件），上枱嘅时候已经闻到虾味浓郁，还有用红虾头和虾膏熬制嘅酱汁，多士脆脆的，只虾真系好鲜味，赞！
烟熏素鹅（$78 ），用腐皮包住切碎嘅红萝卜/莴笋/菇，材料本身清清地，咬落爽口，同时烟熏味相当浓烈，拎斋菜更添一层味觉，而且上菜时更有特别冒烟效果，非常有心思。
主菜方面点要了一个拔丝咕噜肉（ $158），真系可以拉丝㗎，外皮趣卜卜，甜丝丝又好香口，好味！
另外一个手撕包菜（ $108 ），其实就系炒椰菜，好新鲜，味道够！
仲有干炒澳洲M7西冷河粉（$188 ），呢个与一般干炒牛河当然不能同喻，块牛睇落去都唔同啲，食落更加觉得好有牛味，真系未食过咁高级嘅炒牛河！😂😂
张贴
