漢發麵家 (告士打道)

营业中

休息中

「汉发面家」首间分店坐落于湾仔告士打道，交通唔算方便，由会展地铁站行过去都要大约8分钟。我去𠮶日虽然仲未正式开张，但都吸引咗唔少人去用餐。当日去嘅时间系大约下午四点，好多食物都售罄了，多士类尤其夸张，只剩下奶油多士 (即系话我冇食到佢哋嘅名物西多士啰)。其他食物嘅情况都差唔多，炸猪扒、炸鸡脾、炸鲮鱼球都同我无缘份喇。弃用店员手写单嘅模式，要点餐嘅话只需要扫一扫枱上QR code就得。落单后上餐速度都算快而且冇漏单，店员服务态度亦都很好，以一间试业中嘅餐厅嚟讲运作尚算唔错。▫️奶油多士(HKD16) - 原来系可以多奶油，落单时选多奶油就得。▫️炒牛捞公仔面 (HKD69) - 老板娘推介我哋食呢个公仔面就即管试吓。味道系唔错，最正嘅系有一大堆葱丝铺喺公仔面上面。不过以一间茶记嚟讲定价会唔会高咗啲😆▫️炸云吞 (HKD45) 配芥末酱 - 云吞皮咬落卜卜脆，令人不自觉地食完一粒又一粒😆 平时食炸云吞多数会点糖醋汁食，炸云吞配芥末酱呢个组合又几新鲜㖞。▫️炸鱼皮 (HKD28)⭐️逢星期日休息