霸嗎拉麵 (已結業)

将军澳人有四出觅食，今次系返本区食日本嘢， 见．宝琳新都城有间新开嘅拉面店，就一于去试下啦。屋企人钟意食辣，就叫咗个大辣嘅鸡叉烧拉面， 辣度冇令我失望， 香辣酱油味加埋浓郁的鸡白汤， 一端上枱香味变扑鼻而来，食欲大增！拉面质地爽口弹牙，又滑嘟嘟， 屋企人大赞高质👍👍， 加上拉面索晒啲汤， 风味更上一层楼。 鸡叉烧都好好食， 鸡肉嫩滑又有浓浓的鲜鸡味， 虽然得两件鸡， 但质素比分量重要😆😂呢个辣唐扬炸鸡亦畀屋企人大赞， 新鲜榨出嚟外皮脆卜卜，里面够juicy! 啲鸡汁系咁流出嚟， 夹埋日式辣酱好好食呀！呢个石锅饭净系睇个卖相已经好吸引， 上面有好多豚肉粒同原只鲜虾， 石锅饭新鲜热辣辣，放上枱𠮶阵仲有吱吱声， 享受完新鲜弹牙嘅虾肉之后， 记住捞匀下面嘅酱油同饭焦， 会令整个热辣辣嘅饭升华~~( 点算呀越讲越肚饿， 我啱啱先食完...)呢个羽根饺子都一试无妨， 饺子皮滑嘟嘟，馅料真材实料， 里面食得出加咗唔少猪肉同菠菜。