影片
更多
2021-08-01
4739 浏览
利苑一向食物都好有水准， 今次同一班朋友一齐庆祝生日谂住食好d, 即刻就谂起呢度。 先讲佢嘅环境，高级中菜馆嘅环境一定冇得输，空间感十足， 而且整洁卫生， 绝对系食饭聚旧嘅好地方。 另外不得不赞佢嘅服务水准一样咁高，侍应殷勤有礼, 上菜又快。 过桥象拔蚌 ( 龙虾汤) 过桥象拔蚌顾名思义系有象拔蚌片喺里面， 佢嘅象拔蚌片爽脆鲜味， 火喉较得刚刚好一啲都唔硬，配埋浓郁嘅龙虾汤，真系可以饮几碗。 露荀愉耳炒元贝， 元贝好鲜甜， 配埋新鲜露笋仲一d草青味都冇，而且好够镬气。 上汤龙虾伊面， 好多地方都有上汤龙虾伊面食，但系佢嘅龙虾除咗新鲜之外同上汤嘅味道亦都十分夹，而伊面亦都吸收咗上汤同龙虾嘅鲜味，十分好食。 蚝皇扣四头鲍， 鹅掌炆到好淋入口即化，而且因为用鲍鱼汁去淆制，所以鲜味十足。四头鲍当然冇得输 ，基本上淆煮鲍鱼绝对系费时间同功夫，要好食同入味先唔会浪费咗只靓鲍， 呢度绝对做到之余仲要超水准。 片皮鸭二食， 冶味锅巴炒鸭松， 脆卜卜嘅锅巴上面配惹味嘅炒鸭松， 味道一流，口感丰富。 郸关万丈， 呢个名听落好特别一开始唔知系咩，所以就问下侍应 佢哋好热情咁介绍同推介，原来系一个菜上面有一个
过桥象拔蚌 ( 龙虾汤) 过桥象拔蚌顾名思义系有象拔蚌片喺里面， 佢嘅象拔蚌片爽脆鲜味， 火喉较得刚刚好一啲都唔硬，配埋浓郁嘅龙虾汤，真系可以饮几碗。
露荀愉耳炒元贝， 元贝好鲜甜， 配埋新鲜露笋仲一d草青味都冇，而且好够镬气。
上汤龙虾伊面， 好多地方都有上汤龙虾伊面食，但系佢嘅龙虾除咗新鲜之外同上汤嘅味道亦都十分夹，而伊面亦都吸收咗上汤同龙虾嘅鲜味，十分好食。
蚝皇扣四头鲍， 鹅掌炆到好淋入口即化，而且因为用鲍鱼汁去淆制，所以鲜味十足。四头鲍当然冇得输 ，基本上淆煮鲍鱼绝对系费时间同功夫，要好食同入味先唔会浪费咗只靓鲍， 呢度绝对做到之余仲要超水准。
片皮鸭二食， 冶味锅巴炒鸭松， 脆卜卜嘅锅巴上面配惹味嘅炒鸭松， 味道一流，口感丰富。
郸关万丈， 呢个名听落好特别一开始唔知系咩，所以就问下侍应 佢哋好热情咁介绍同推介，原来系一个菜上面有一个去皮蕃茄仔， 而蕃茄仔就酿咗菇菌同白果， 绝对系手工菜， 师傅技术好好先煮到。
生日当然唔少得寿桃la, 可爱嘅寿桃配甜甜嘅莲蓉, 绝对系一餐生日饭里面最重要嘅主角。
最后又点少得甜品呢， 鲜果水晶球， 听个名都好吸引，鲜甜嘅生果粒配透明果冻， 绝对系视觉同味觉嘅享受。
张贴
