鮪世市場 (鴻威大廈) (已結業)

好友介绍话呢间寿司店 "鲔世市场" 好高质，又会有好多omakase嘅鱼食又平或美味套餐，所以今次我就嚟试吓。日系装潢，店面以浅木色为主，坐落感觉和谐舒适，仲可以坐bar枱食，睇到师傅整寿司，就好似贵价料理店一样。餐厅采用QR Code落单，非常方便。料理方面包括有剌身、寿司、刺身丼、手卷、炸物、清酒、啤酒汽水等等，即点即整，食物够新鲜。炙烧寿司盛    $146炙烧寿司盛包括玉子、火炙三文鱼、火炙蟹棒、轻烧剑鱼腩、火炙左口鱼裙边、汁烧海鳗和烧三文鱼卷共八件寿司及玉子。炙烧过嘅剑鱼腩、三文鱼、左口鱼裙边都一样咁肥美，入口充满油脂，肉质结实而味道浓郁鲜味。鱼肉白色嘅海鳗，肉质细腻，用汁烧过都唔会掩盖海鳗嘅鲜味。左口鱼裙边味道浓厚，肥美甘香。烧三文鱼卷包住青瓜、蟹柳同玉子，再加上烧酱、鱼子与三文鱼片，口感丰富。鱼生角切丼    $78鱼生如三文鱼、油金鱼、吞拿鱼切成粒状，拌上青瓜、玉子和爽脆嘅三文鱼籽，材料丰富，又有多重口感！两个套餐都配备蒸蛋、沙律同埋味噌汤。蒸蛋嫩滑，味道清甜，材料包括海鲜同蔬菜，食起嚟份外鲜甜。沙律新鲜口感爽脆，而食日本嘢常饮嘅味噌汤，味道刚好，不会太咸，加上豆腐同海