武士料理

营业中

休息中

好耐冇食日本野，今日终于约到岀黎啦！首先黎个面豉汤暖下胃先，想讲下只碗仔都几靓。武士之魂刺身盛，个刺身好靓仔好吸引，摆盘好靓，由高至低食过去，由爽口既赤贝开始，跟住系带子，好清甜，仲加左柚子醋去提鲜。真鲷，系淡口鱼，肉质脆弹。赤身，精瘦赤身，油脂不多，鱼味重。中拖，颜色粉红，鱼油脂非常甘香。牡丹虾，虾肉爽得黎带少少糊，虾头仲有浓郁虾膏。海胆，有海水味又甘口。大拖，油脂比中拖更丰盛，，入口即溶。唐场炸鸡拉面，转左血池地狱汤，好刺激，跟面仲有几件炸鸡，好抵食。日本海胆流心忌廉饼，炸物非常岀色，海胆流心忌廉饼，里面真系流心的，外面就脆口又唔会油淋淋。炸芝士年糕，芝士味够浓郁。