Hatsu Japanese Restaurant (已結業)

约咗朋友来食日本野，由金钟b出口行嚟，但中环出口应该近啲，因为系金钟商业地区， weekend比较清静，啱晒黎倾吓计饮下酒！首先我哋叫咗一个七款嘅刺身，一嚟到见到个样已经话哗出声，有牡丹虾，带子，吞拿鱼，吞拿鱼腩，油甘鱼，剑鱼， 海胆。我本身唔系好食海胆因为曾经食过唔新鲜，𠮶种感觉同味道系脑海到挥之不去，搞到唔敢再试，但朋友食完话好食好好食好鲜甜，我就胆粗粗再试下，点知食完真系对海胆嘅印象扭转晒！超级鲜甜！当佢系舌头溶化个刻简直非笔墨能够形容！好鲜甜而且一啲腥味都冇！份量都唔少简直系过足瘾！而其他鱼都非常鲜甜，每一款充满鱼油同鲜味，两个人食呢碟刺身真系大满足！食得咁开心朋友话要叫番杯自家制梅酒试下，一边食刺身一边饮梅酒简直系绝配！另外我哋叫咗个西京银雪鱼定食，有汤，沙律同前菜，本身对前菜冇好大期望，但有啲喜出望外嘅感觉，茄子炸过非常香口，配埋唔会过咸嘅酱汁另外有蟹籽粒粒，一粒粒正方形但系一咬入去全部都系蟹籽，好得意！个汤好足料，好多海带，浓度岩岩好！主菜到啦银鳕鱼不嬲系我最爱！烧到好香口，而鱼肉仲系好滑溜，配沙律酱食，送饭简直系一流！配菜有好多鸡髀菇！见佢银鳕鱼做得唔错，仲叫埋烧鳗鱼嚟