旬菜富日本料理 (已結業)

一直想食呢度嘅吉列猪扒。趁今日有空，唔试点会心息?典型日本小店格局--- 干净企理，环境清静。极多日本人帮衬，对呢餐更有期望...喝一口麦茶，抹抹手，开动...order一个吉列猪扒餐，先有汤乌冬，再嚟三个先付，跟住加埋主食，连埋甜品，百一蚊，吃得饱饱....乌冬质感烟韧，跟数街之隔嘅万豚屋有得挥；汤有浓浓嘅昆布味，汤底清彻，一干而尽....先附有经常见到嘅酱萝卜及牛蒡丝，及令人意想不到嘅烟肉片炒蛋。点解会有呢味呢? 费解...主角出场。猪扒肥瘦相间，肉质极嫩，皮亦炸得够脆，碟底油份亦不算太多。单论猪扒嘅质素，已胜tonkichi一两班...醮上自制嘅猪扒酱，甜甜酸酸的，更开胃...饭以日本米加泰国米两沟而煑成，心理上点都系争D...埋尾叫个特别D嘅rum酒提子雪糕，酒味不浓，但极甜，都算颇特别...service亦不错，不断加茶，女侍应亦谦恭有礼...下次必定带太座嚟试试...