泰嘟嘟

营业中

休息中

早排听朋友介绍，喺大角咀有间几好食嘅泰国餐厅，咁啱又好近其中一个客嘅公司，于是揾咗日要上客公司攞嘢顺便去试埋问泰国菜。餐厅装修几有feel，而且好旺，岀面睇唔岀入面咁旺。今次写呢篇同平时写嘅方式会有啲唔同，因为今次嗌咗好多碟嘢食，会尝试每碟都讲一讲。首先系前菜「串烧沙嗲」同「烧波萝」。串烧比想像中大，充满肉汁，有两款酱汁点，分别系泰式辣酱同沙嗲。跟住系三碟主菜「泰式辣椒膏炒花甲」、「飞天炒通菜」同埋「红咖喱羊排骨」。花甲炒得好香口，有少少辣，咖哩反而唔系好辣，两样送饭简直一流。最正嘅系个「冬荫功海鲜汤」，咁我系一个唔系好食得辣嘅人，个汤我觉得几辣，虽然好辣但系个汤味道好鲜甜。不过实在太辣，于是叫咗个椰青，几清甜，解辣之后舒服好多。可惜太饱，如果唔系我会叫多个芒果糯米饭食。超饱，超满足。