嘉湖

营业中

休息中

今日要去城大听讲座，但迟左起身煮唔切野食，就淰住系学校附近食d野再去。上open rice稳到附近有间叫嘉湖噶食上海野噶餐厅好出名，就淰住试下。其实位置都几偏，稳左一阵先稳到。铺头不大，而且人不多，可能唔系食饭时间啦，但感觉上其他客人应该都系附近街坊，因为见佢地著得好casual。叫左一碗食客极力推介噶榨菜猪扒担担面。个面一到，就闻到好香。即刻试下个面，正到爆阿。个面烟烟韧韧甘，质感好好，而且原来个底有小小花生酱，加埋个面一齐食，味道一流。最好噶就系花生酱唔多，所以唔会有腻噶感觉。榨菜系软身噶榨菜，酸酸甜甜甘，好开胃。猪扒反而有小小普通，不过都比坊间噶好，因为炸得几香脆。虽然呢碗面成50蚊，系呢区离讲算系贵，但甘高水准噶面，系值得一食。