灑家粥麵 (已結業)

一早听闻洒家既干炒牛河，云吞面好食，今日衬住起观塘APM既关系，就嚟依度食个午餐。二个人叫左碗云吞面，干炒牛河，黄沙猪润肠粉同埋虾饺，够晒丰富。首先上枱系干炒牛河，河粉炒得非常好，条条河粉分开唔会黏埋一团，碟底又唔会好似油浸咁油腻，实为高水准之作。云吞面既云吞系细细粒散尾既类型，虾同猪肉既比例啱啱好，面质够爽够弹牙，汤底有大地鱼既香味。猪润肠粉皮够薄，猪润切得薄薄的，都好爽口好食。最后的虾饺，虾够大只而且新鲜爽口，虾饺皮又够薄，加少少豆板酱嚟食就好好食。