影片
更多
2020-09-17
297 浏览
🍜谂住求其食个lunch 见到呢间拉面店几平本身佢呢个价钱 对佢都冇乜太大期望 当试吓新野点知食完发现佢有出边拉面店啲水准！-每碗有两大块半肥瘦叉烧 食落去好腍而且有焦香食紧时候都会见到师傅用火枪灸烧叉烧🥰面条系普通幼身拉面 冇得自己拣软硬度食落去偏硬少少 富有弹性几啱我口味汤底真系要赞一赞 豚骨汤底劲浓厚😛😛影咗一阵相 个汤表面直头起咗一层骨胶原薄膜黑蒜我就多咗阵蒜香 味道层次感更加丰富但配搭起嚟又唔会好腻 重口味人士必试配菜方面都正正常常 不过份量比较少-另外加咗五只煎饺子 味道就好普通似系平时买日式包装饺子嘅感觉 个皮有少少厚但系可以接受嘅🤔-佢星期一至五都有餐牌上其中一款拉面做午市套餐$65 包一细碗沙律 同埋细支装解茶呢个价钱食到碗高质拉面真系超级抵🤟🏻🤟🏻
谂住求其食个lunch 见到呢间拉面店几平
本身佢呢个价钱 对佢都冇乜太大期望 当试吓新野
点知食完发现佢有出边拉面店啲水准！
-
每碗有两大块半肥瘦叉烧 食落去好腍而且有焦香
食紧时候都会见到师傅用火枪灸烧叉烧🥰
面条系普通幼身拉面 冇得自己拣软硬度
食落去偏硬少少 富有弹性几啱我口味
汤底真系要赞一赞 豚骨汤底劲浓厚😛😛
影咗一阵相 个汤表面直头起咗一层骨胶原薄膜
黑蒜我就多咗阵蒜香 味道层次感更加丰富
但配搭起嚟又唔会好腻 重口味人士必试
配菜方面都正正常常 不过份量比较少
-
另外加咗五只煎饺子 味道就好普通
似系平时买日式包装饺子嘅感觉 个皮有少少厚
但系可以接受嘅🤔
-
佢星期一至五都有餐牌上其中一款拉面做午市套餐
$65 包一细碗沙律 同埋细支装解茶
呢个价钱食到碗高质拉面真系超级抵🤟🏻🤟🏻
张贴
