惠 (已結業)

食omakase就系想，感受日本师傅为你悉心安排嘅每一道菜，系呢一餐，平实得黎又能食出鲜味，值回票价😋😋先上针鱼刺身配姜豉油，鱼肉上可见到带有银光，肉质结实弹牙，味道较为清淡，爽身，兼配合埋姜豉油，少少提味，更带出到针鱼嘅青春活力，安排系前段作开始，非常适合！而陆续有来嘅刺身，相信食开嘅，都系见惯见熟嘅食材，稳阵派刺身。到食手握寿司环节，又去番清淡口味嘅上先，当日嘅真鲷寿司好鲜，师傅切得几大块，肉身白净，啖啖肉口感，鲜甜味好突出。然后到偏重味嘅呑拿鱼酱油渍寿司，入口先会尝到酱油嘅咸香，口感湿润，肉质因为腌制过，而变得柔软同浓味，可以话系第二次高潮。轮到食明太子白虾寿司𠮶阵时，都有七八成饱，呢件就系转折位，又去番食白肉，明太子加粒粒虾肉拌匀，comfort food 嘅感觉。总结呢次用餐体验，整体系感受到师傅上菜嘅用心安排同处理食材嘅认真，餐厅气氛平和，会推荐身边嘅人黎食。