Plato Cafe & Bistro (吳松街)

尼间西式餐厅提供多款组合既dinner set，除左有1人餐，亦有2人餐，更加可以散叫小食，主食，无论一家大小，情侣，朋友，聚会都非常适合黎尼间餐厅。餐厅面积大，坐得舒服，而且亦有上层。叫左尊贵二人餐($498)，包括是日餐汤及面包条，2款前菜，6选2既主菜，4选2既甜品，2杯饮品。另外，再叫左小食英式炸鱿鱼圈($68)。餐汤系蘑菇浓汤，见到好多蘑菇粒，非常浓稠，热辣辣，冬天饮暖入心。个人去过既西餐厅比较少提供面包条，尼到既面包条脆身，手指粗度。前菜白酒煮蚬，配以三色灯笼椒丝煮，蚬肉非常厚肉，而且清洗干净，冇沙，加上用白酒烹调后，带出海鲜甜味。前菜烟三文鱼凯撒沙律，三文鱼片砌成一朵玫瑰花，惊喜在于，每片三文鱼都有手掌咁长，而且唔系薄薄一片。沙律份量都唔细。主菜西班牙黑毛猪鞍架，配红桑子烧汁，猪鞍架肉质软，嫩滑，身完唔会痴牙或者韧，所以愈食愈钟意，而且边边位会有d脂肪，充满油香。伴菜有烤焗薯仔，西兰花，甘荀，沙律，健康得黎，烹煮亦有心思，摆盘亦好睇。甜品提拉米苏入口溶化，餐厅制作既甜品都几大件，每一层都整得好整齐，而且另外，仲有小食英式炸鱿鱼圈，炸皮薄，炸到金黄色，而鱿鱼弹牙，份量亦多。