影片
更多
2023-01-26
680 浏览
好味指数😋😋😋😋回头指数 ⭐️⭐️⭐️⭐️开心指数🤗🤗🤗🤗农历新年，好多屋企都钟意去食中式酒楼，我屋企一向都唔算好传统，开年饭就去咗食日本嘢。🍴和牛寿喜烧定食（$208）呢个系 menu 上面最贵嘅定食，鹿儿岛和牛片油花均匀，汤底系地头鸡汤，配有日本鸡蛋、一大碗蔬菜、白饭、3款前菜。和牛轻轻灼过就可以食得，肉味浓而且入口即化，好味！🍴银鳕鱼西京烧定食（$138）西京烧系用面曲同甜白味噌腌制过之后再烧制嘅食物，银鳕鱼好厚肉，腌制得好好味，调味做得好好，够味又唔会盖过鱼味，银鳕鱼好肥美有鱼油香味，好嫩滑。呢个定食配有白饭、面豉汤、3款前菜，而鱼边仲有多2款前菜（定系叫配菜呢？）。🍴安格斯小牛排定食（$138）定食跟埋烧炉自己烧，牛小排份量唔少，唔算太薄，食落非常爽口，好味！牛嘅质素对得住价钱！呢个定食配有白饭、面豉汤、2款前菜（冇蒟蒻）。🍴安格斯牛小排及牛柳粒定食（$118）牛小排同牛柳粒各有5件，我哋用一个炉烧牛小排，用另一个炉烧牛柳粒，唔知系咪因为个炉冇烧过牛小排，炉面冇咩油份，一放牛柳粒上去，就即刻黐底，要用个夹加埋筷子先勉强可以翻转，牛柳粒肉味比较浓，但同时相对比较嚡，对我嚟讲，俾多$20
回头指数 ⭐️⭐️⭐️⭐️
开心指数🤗🤗🤗🤗
农历新年，好多屋企都钟意去食中式酒楼，我屋企一向都唔算好传统，开年饭就去咗食日本嘢。
🍴和牛寿喜烧定食（$208）
呢个系 menu 上面最贵嘅定食，鹿儿岛和牛片油花均匀，汤底系地头鸡汤，配有日本鸡蛋、一大碗蔬菜、白饭、3款前菜。和牛轻轻灼过就可以食得，肉味浓而且入口即化，好味！
和牛寿喜烧定食
$208
24 浏览
1 赞好
0 留言
🍴银鳕鱼西京烧定食（$138）
西京烧系用面曲同甜白味噌腌制过之后再烧制嘅食物，银鳕鱼好厚肉，腌制得好好味，调味做得好好，够味又唔会盖过鱼味，银鳕鱼好肥美有鱼油香味，好嫩滑。呢个定食配有白饭、面豉汤、3款前菜，而鱼边仲有多2款前菜（定系叫配菜呢？）。
银鳕鱼西京烧定食
$138
24 浏览
0 赞好
0 留言
🍴安格斯小牛排定食（$138）
定食跟埋烧炉自己烧，牛小排份量唔少，唔算太薄，食落非常爽口，好味！牛嘅质素对得住价钱！呢个定食配有白饭、面豉汤、2款前菜（冇蒟蒻）。
安格斯小牛排定食
$138
7 浏览
0 赞好
0 留言
🍴安格斯牛小排及牛柳粒定食（$118）
牛小排同牛柳粒各有5件，我哋用一个炉烧牛小排，用另一个炉烧牛柳粒，唔知系咪因为个炉冇烧过牛小排，炉面冇咩油份，一放牛柳粒上去，就即刻黐底，要用个夹加埋筷子先勉强可以翻转，牛柳粒肉味比较浓，但同时相对比较嚡，对我嚟讲，俾多$20 将5粒牛柳粒换埋做牛小排会开心D，可能我钟意食爽口有油花嘅牛小排多D啦！
安格斯牛小排及牛柳粒定食
$118
28 浏览
0 赞好
0 留言
关于烧炉小插曲，烧炉嘅助燃粒比较快烧完，除非 non stop 专注地系咁一烧完就食，极速鲸吞成个定食外，唔系的话，基本上个火中途一定会熄，要店员更换；如果坐梳化卡位，而个炉放得比较入嘅位置，就要梳化其中一边嘅人行出嚟俾位个店员，先可以换到，而我哋因为牛柳粒烧到一个炉黐底，就将1碟半嘅牛小排集中一个炉烧，店员就要嚟换咗两次助燃粒先烧得完。所以我建议，如果坐梳化卡位，而烧牛嘅，可能要将个炉放响较出嘅位置，等店员伸手就换到，或者餐厅方面考虑换一款比较烧得耐少少嘅助燃粒。
餐厅另外可以加$20，享用饮品吧（8款冻饮，5款热饮茶包 + 咖啡）、沙律吧（6款普通沙律配料加沙律菜）同甜品吧（2款小方格甜品），如果本身食饭都会叫饮品嘅，可能都几抵，饮2杯已经值回票价，虽然沙律甜品方面就唔算精美。
餐厅用餐时间限时75分钟，所以一点咗餐之后，D 餐出得好快！我嘅体验系，食厨房煮好嘅定食，或者人少少两口子食饭，唔使讲太多嘢，75分钟会食得比较轻松；如果几个朋友开心 share 咁食寿喜烧同烧肉，加埋出去攞吓嘢饮沙律甜品，就会比较难倾偈，成餐饭会感觉好忙。所以谂返起烧肉炉个助燃粒点解咁快烧完，可能餐厅根本唔系预客人慢慢烧嘅。
我试咗4款比较贵嘅日式定食，水准都好高，下次会想嚟试普通几十蚊嘅定食，睇吓系咪都咁好质素！不过，安格斯牛小排绝对系我想再 encore 嘅，因为唔系太贵又好食～
☆ follow my IG @tracyloveliving ☆
张贴
