影片
更多
2017-06-02
183 浏览
最近唔知系咪因为转天气，同朋友食极都唔饱，个肚好似无底洞咁！呢啲时候最好就系去食自助餐或者放题！今次系朋友带我来食，一于试吓有几好食啦！一坐低第一时间就睇刺身，我哋都叫左好多， 例如三文鱼、赤虾、有头甜虾、虎虾，佢三文鱼绝对系厚切，放咗入口之后啱啱好塞满晒个口，小小空间都唔会剩低，成口都系三文鱼感觉好满足！另外听朋友讲呢间嘅天妇罗都好食，于是我就叫咗番薯仔、南瓜、虾、蟹棒，仲有一个一直都好想试嘅可乐饼。可乐饼绝对值得推介，我用埋天妇罗嘅酱汁一齐点， 真系一啲都唔腻，加上出面炸得好脆但入面嘅薯仔好软， 口感好唔错。我哋叫咗盐烧牛舌、黑松露鸡髀菇同芝士大虾金龙船。牛舌好有咬口，鸡髀菇真系好有黑松露嘅味，感觉上似浸左成日黑松露咁，味道超级浓郁。寿司我哋叫咗火炙左口鱼裙边、火炙海胆虾同埋迷你海胆手卷。迷你海胆手卷个架真系好可爱，同埋佢嘅寿司有好处就系唔会太大旧，你可以试到好多唔同款，唔会食两旧就饱咗尤其是系女仔！今次想同朋友食好啲所以我哋有加升级体验，佢会比一叠升级体验嘅落单纸比你，我哋叫咗和牛寿司、海鲜炖汤、海胆蒸蛋。海鲜炖汤个杯好靓，一打开个盖就已经有扑鼻而来嘅香味，我同朋友都即刻涌向前争
一坐低第一时间就睇刺身，我哋都叫左好多， 例如三文鱼、赤虾、有头甜虾、虎虾，佢三文鱼绝对系厚切，放咗入口之后啱啱好塞满晒个口，小小空间都唔会剩低，成口都系三文鱼感觉好满足！
刺身
2 浏览
0 赞好
0 留言
另外听朋友讲呢间嘅天妇罗都好食，于是我就叫咗番薯仔、南瓜、虾、蟹棒，仲有一个一直都好想试嘅可乐饼。可乐饼绝对值得推介，我用埋天妇罗嘅酱汁一齐点， 真系一啲都唔腻，加上出面炸得好脆但入面嘅薯仔好软， 口感好唔错。
天妇罗
7 浏览
0 赞好
0 留言
我哋叫咗盐烧牛舌、黑松露鸡髀菇同芝士大虾金龙船。牛舌好有咬口，鸡髀菇真系好有黑松露嘅味，感觉上似浸左成日黑松露咁，味道超级浓郁。
寿司我哋叫咗火炙左口鱼裙边、火炙海胆虾同埋迷你海胆手卷。迷你海胆手卷个架真系好可爱，同埋佢嘅寿司有好处就系唔会太大旧，你可以试到好多唔同款，唔会食两旧就饱咗尤其是系女仔！
迷你海胆手卷
1 浏览
0 赞好
0 留言
今次想同朋友食好啲所以我哋有加升级体验，佢会比一叠升级体验嘅落单纸比你，我哋叫咗和牛寿司、海鲜炖汤、海胆蒸蛋。海鲜炖汤个杯好靓，一打开个盖就已经有扑鼻而来嘅香味，我同朋友都即刻涌向前争住闻！
饮落似人哋出面卖紧好贵好贵嘅炖汤；海胆蒸蛋可能平时食惯海胆系生嘅，咁样食会觉得有少少奇怪，但系佢𠮶蛋真系整得超级滑，滑都唔知自己系食紧蒸蛋，哈哈。
甜品我哋叫咗牛奶布甸、苹果一口大福、樱花水信玄饼同埋三只口味嘅泡芙有忌廉、绿茶同士多啤梨。苹果一口大福系我绝对推介嘅甜品，因为佢里面系有苹果肉而且唔会太甜。同埋我自己都比较偏好麻薯「软林林」嘅嘢食。
张贴
