一豊 (已結業)

今日同朋友入天水围做义工，完左之后系附近天耀商场揾食。见一豊个餐牌都几多选择就入左去食。入面环境好宽敞舒适，我地嗌左2个丼share同一个卷物。三贝丼，可以一次过试晒3种贝！分别有北寄贝、帆立贝、活赤贝，好鲜甜同好厚肉，食落完全冇雪味！蟹皇丼，成碗放满左蟹脚、蟹钳、蟹籽、蟹肉、蟹膏，份粮好多！将蟹籽、蟹肉、蟹膏同寿司饭捞匀一齐食，唔单止鲜味十足，口感层次劲丰富！芝心软壳蟹卷，芝士好浓郁，软壳蟹炸到金黄香脆、啖啖肉好有咬口，仲有蟹膏、蟹籽同蟹棒，劲足料！性价比好高！总括嚟讲，价钱合理又几有水准，下次再去天水围都要带朋友去食！