BriKetenia (已結業)

店内环境宽敞,唔会坐得密密麻麻, 情侣拍拖或者一大班人聚会倾偈就非常合适,讲嘢唔怕畀人听到。 大听面果度会有幅大玻璃,畀食客睇到厨师喺入面厨房入面备菜同整野食。由于我地6点钟已到餐厅,时间比较早餐的关系,餐厅得一至两枱客,唔算好多人,所以好快店员就好有礼貌咁叫我哋坐低,同埋奉上餐牌。之后店员就会奉上餐前面包,面包旁有银鱼柳蛋黄酱,而且面包上枱𠮶阵时仲系暖嘅。忌廉南瓜汤伴香煎带子配黑松露忌廉呢度的南瓜汤同出面𠮶啲南瓜汤有好大分别,呢度嘅南瓜汤细致嫩, 加上新鲜嘅忌廉,令到成个汤更加嫩滑,而且个汤而且仲有个香煎带子,带子大大嚿,而且两边煎香锁住肉汁同香味,而且火侯恰到好处,大大旧又香又好味。烤澳洲牛柳配黑松露薯蓉及小甘笋 ($398)呢次牛柳order咗七成熟,上碟果阵时第一眼嘅感觉系"点解件牛柳咁厚咁大嚿,咁咪可能唔够七成熟"。开头都担心,好彩后切落去𠮶阵时牛柳又淋又鲜嫩。最后order 了 一份甜品 - 榛子朱古力mousse,mousse 又软又滑。