薄荷葉泰國菜

营业中

休息中

由于女朋友好钟意食泰国菜 有朋友介绍呢间泰国菜环境舒适 所以就揾日嚟咗试啦呢度环境舒服 好有特色 好似bar咁 有好多酒类饮品 又有好食嘅泰国菜 相信夜多少少一定会更加正👍🏻自家制炸虾饼 上碟嘅时候虾饼剪开咗一半 所以有八件 多啲人食都够分 炸到热辣辣嘅虾饼点啲泰式辣酱 真系好夹🤤泰式炒金边粉 只虾用竹签串住 吉喺个金边粉上面都几有霸气 卖相好靓 打卡一流🙊 捞匀晒放喺碟四角嘅配菜嚟食 都真系食到几辣 如果唔太食得辣嘅朋友 记得唔好捞咁多辣椒😛泰式烧牛仔骨 牛仔骨件件都好大嚿 烧牛仔骨本身既酱汁已经好特别 少少甜甜地 上碟配上一个少少酸嘅酱汁 感觉几特别 不过个人觉得烧牛仔骨本来既酱汁已经好好食😗软壳蟹咖喱 呢个系我最钟意嘅一碟 咖喱汁唔算好辣 偏向椰香味多啲 虽然炸过嘅软壳蟹放咗落个咖喱度已经唔脆 但系胜在吸晒啲咖喱汁 享受到满满嘅咖喱蟹肉👻呢间泰国菜十分有水准 下次嚟元朗都可以再嚟😆