陳儀興牛什粉麵 (鴻祥大廈)

营业中

休息中

陈仪兴是近排食过最好味嘅牛腩粉面，重点系食完一啲都唔会觉得口干口渴，代表唔会太多味精。味道适中，唔会偏咸或淡。份量亦都算多，尤其是净食崩沙腩，一大碟，一啲都唔孤寒，自己买自己炆都未必做到咁嘅价钱。猪手炆得好淋好入味，面质爽口弹牙，汤底清甜带有芹菜和葱的香味。佢嘅柠檬茶都做得唔错，茶色好清澈，柠檬够多，唔会话好混浊咁嘅款。粉面档就唔可以要求有好华丽嘅装修，不过呢度嘅装修都几企理，有少少老香港嘅style，环境清洁，伙计有笑容，你食猪手亦都会主动俾只碗你放骨头。见到我哋两个人食一个净牛腩一个粉面，唔需要问都识得拎碗仔俾我哋。净崩沙腩套餐，连油菜同埋饮品$165南乳猪手面套餐，连埋油菜/炸鱼皮和饮品$60炸小食拼盘$40牛腩同猪手真系好好食，一定要再嚟。