長發海鮮酒家 (已結業)

因为早到左，所以去到系门口睇左阵，等下先。见到有好多海鲜，款款大只！生猛！啲水好清！唔似有啲酒楼好似无清洁鱼缸甘！赞！黎之前都决定左食蒸气㶽，因为未试过。齐人后我地决定试A 餐！本身睇餐牌好似唔系好多野食，但因为全部海鲜都好大只，又有南瓜粥，所以最后食到好饱！！依家先知呢度蒸气㶽系有人“服侍”！职员会帮你分批放海鲜落去，再按反适当时间，够钟就会bi bi 响，职员再黎夹俾你！全程唔洗自己郁手！价钱俾得抵啦！辛苦晒啲职员！首先讲下个元贝同圣子，超大只超长！面头会加啲粉丝同蒜蓉，好香蒜蓉味！肉质好爽口，鲜味，蒸得刚刚好！虽然餐牌上话系中虾，但一啲都唔细只，串好一只只，蒸熟一mok 啲谷就甩。虾肉好实净，好鲜甜爽口！美国石蚝、青口同马刀贝。一句讲晒，又系超大只！本身唔系好食青口，觉得啲肉好韧，又有啲好似鱼丝、啡啡地色既肉脏（我估系），但今次后对佢改观！因为蒸得好林，仲好多水份系入面，一咬就开，好厚肉，无渣！而蚝更加唔洗讲，超肥美，蒸完都仲系甘大只！啖啖肉，好少食蚝系要咬开，呢只就要啦！南瓜粥，一开㶽果时就要落，食完海鲜粥就煮好！好香南瓜味，完全无落调味都好好味！正！！！超正既蒸气㶽！推介大家