Hot Pot 熱‧海鮮火鍋私房菜 (已結業)

今日同屋企人去呢一间餐厅试吓佢个火锅，之前去食个小菜见到佢火锅都几多选择，所以就去试吓。叫咗胡椒老坛酸茱白肉锅，里面好多酸菜同埋猪肉片，酸酸地辣辣地，几啱打边炉。唔会打到后尾觉得好腻！叫咗一个二人套餐，而且加咗少少配料。二人套餐叫咗个牛小排牛小排肥瘦均匀，而且牛味都几浓郁，好重油香味，几有水准。拣咗杂菇拼盘，咩都有啲鸡髀菇金菇秀珍菇，都几大份，而且吸左啲汤底，咬落去啲汁别晒出嚟，几唔错。套餐仲有得加$99有新鲜牛肉，食落去呢一只牛肉虽然冇牛小排咁肥美，不过牛肉味都浓郁，而且都几软身。加$38有蜂巢豆腐仲要系超级多粒，好抵食亦有豆香味！蜂巢豆腐嘅特色就系会吸晒啲汤底，酸菜白肉汤底同蜂巢豆腐好夹。刀削面加$58，份量系超级超级多，我谂大概三人份 面条爽滑而且几有口感。美国黑豚肉片 推介猪味比较重，虽然佢系偏厚身，不过食落去都几软熟，而且唔系好多渣同埋肥膏。 呢间啲套餐都几抵食，同埋散嗌都唔贵。见到佢有做VIP房优惠，餐厅仲有生啤同唔同种类嘅酒，约埋班朋友打边炉啱晒。