顏府御膳 (已結業)

对精致中菜一向非常支持，而专程来到Cubus我想和很多食家一样都系因为最近那个半价推广活动促成。必须提一提，以及各位好多时忽视嘅系：呢家颜府御膳星期六、日系无午市套餐Set，有兴趣一尝午市套餐嘅朋友要选平日来了😄。入正题，一进入颜府御膳，格局明显系走中高档路线嘅。装修、布置、餐具都别出心裁。但硬伤一如其他食家所言，服务上明显要改善一下，呢点之后再提。一场黎到，当然要一尝招牌名菜。但碍于限聚人数，所以决定集中试点心、饭面同埋甜品。餐前小食：应该系豆角炒虾干，配上特制酱汁。味道几好，但卖相认真麻麻，无咗其他食家所讲嘅琥珀合桃，感觉有啲将货就价，开局感觉麻麻。本身以为点心会先上，但先黎嘅系铁板鲜沙姜陈皮生煎鸡。未上到菜离远都闻到好香，配上淡淡陈皮味，登时改观。鸡油嘅香味喺铁板上嘶嘶作响，鸡件全部都已经去骨，火喉恰到好处，非常嫩滑，令人食指大动。唯一一件未去骨嘅鸡件只系比较难处理嘅关节位，可见餐厅对菜肴非常用心。紧接而来嘅系蛏子皇樱花虾蒜香糯米饭。份量上颜府御膳紧贴高级中菜馆嘅标准，大多以尝味为主，糯米饭份量唔多，但非常入味。明显厨师系精心研究配搭过呢道招牌菜，即使无传统嘅荷叶香但樱花虾出奇地