影片
更多
2021-09-20
872 浏览
朋友喺旺角火车站附近返工，佢同我推介过胜利道𠮶边有一间唔错嘅餐厅叫「Peko Peko Eatery」。呢日我哋约开食饭，就决定嚟呢度开餐🍽。餐厅门面同内里装修设计都好靓，简约嘅风格令人感觉好舒服😌。部份餐枱呈长条形，适合一班人聚会。店员几好客，会主动向客人介绍菜式，佢嘅讲述令我哋抱有好高期望，而食物出品又真系几出色嘅👍。Love Strawberry($118)，呢个沙律以水果系做主题，🌈色彩缤纷之余仲好Sweet Sweet，佢更用上食用花作点缀。沙律由以下食材所组成，包括🍓草莓、蓝莓、红桑子、黄桃、无花果、红菜头以及沙律菜等。其实水果嘅甜度无得控制，不过出到嚟佢哋全部都又甜又多汁，从而证明咗餐厅入嘅系靓货。🥗沙律以甜味令你开胃，并唔系靠酸嘅醋汁刺激味蕾。朋友话如果以前食嘅沙律系咁嘅质素，佢一定会爱上食沙律。Seafood Cinderella Carriage酿海鲜南瓜批($188)，其实挣扎嗌扒食定南瓜批好，但后者感觉特别，所以就试吓。🎃南瓜车造型好靓，将南瓜挖肉后用各式海鲜将佢填满，然后再加芝士焗制🧀同洒上三文鱼籽。虽则唔系用上贵价海鲜，但胜在种类繁多，而且每款都大大粒兼好鲜
朋友喺旺角火车站附近返工，佢同我推介过胜利道𠮶边有一间唔错嘅餐厅叫「Peko Peko Eatery」。呢日我哋约开食饭，就决定嚟呢度开餐🍽。
餐厅门面同内里装修设计都好靓，简约嘅风格令人感觉好舒服😌。部份餐枱呈长条形，适合一班人聚会。店员几好客，会主动向客人介绍菜式，佢嘅讲述令我哋抱有好高期望，而食物出品又真系几出色嘅👍。
Love Strawberry
$118
396 浏览
0 赞好
0 留言
Seafood Cinderella Carriage
$188
266 浏览
0 赞好
0 留言
Seafood Cinderella Carriage酿海鲜南瓜批($188)，其实挣扎嗌扒食定南瓜批好，但后者感觉特别，所以就试吓。🎃南瓜车造型好靓，将南瓜挖肉后用各式海鲜将佢填满，然后再加芝士焗制🧀同洒上三文鱼籽。虽则唔系用上贵价海鲜，但胜在种类繁多，而且每款都大大粒兼好鲜味。🦐海鲜款式有带子、大虾、青口、蚬以及鱿鱼等。南瓜边位当然仲附有少量南瓜肉，甜甜的，反而估唔到嘅系佢仲酿咗薯蓉，饱肚感即刻有所提升！
Uni Charcoal Udon
$158
11 浏览
0 赞好
0 留言
Uni Charcoal Udon海胆三文鱼子竹炭乌冬($158)，店员介绍呢碟Pasta系招牌菜🍝，当中嘅海胆酱系由日本师傅特别调制，系餐厅独有。食咗一啖之后我发觉店员无讲错，呢个汁唔系普通忌廉，食落真系会令你以为自己食紧海胆🤤，鲜香十足，单凭一块海胆绝对做唔到呢个效果！所谓嘅竹炭乌冬其实似意粉多啲，佢比起墨汁意粉好，因为唔会食到个咀黑蚊蚊🖤。再者，佢嘅面质够爽弹，非常唔错。
Creme Brûlée Cake
$58
8 浏览
0 赞好
0 留言
冻玫瑰白茶
$34
3 浏览
0 赞好
0 留言
总括嚟讲，Peko Peko嘅食物水准好高😋，菜式色香味俱全，各个部份都处理得好出色。餐厅其实有做二人套餐，但咁啱我哋有兴趣食𠮶啲全部都不在列上，不过计返价钱都唔争得远，人均消费三百蚊左右。考虑到整个用餐过程令人满意，我认为系物有所值，值得推介🌟！
张贴
