Penthouse (已結業)

好友生日 梗要带佢食好野～ 米芝莲推介餐厅配靓境 无得输架～ 6:00 已经去到 可以影到靓景 不过就算之后坐到8成满 都唔会觉得迫 空间感几好～ 自家制面包配香草酱～ 香草酱系好正 带点柠檬汁配浓浓pesto酱 醒胃。Crab cake~ 听闻系必食 抱著半信半疑既心态 因为我之前食过另一间餐厅系好腥好难食。不过Penthouse既 确实令我另眼相看。蟹肉食得出好新鲜 微微带点鲜甜 一丝丝蟹肉 直头同食紧蟹冇分别 正！配上三种酱料 牛油果🥑 芒果莎莎 蛋黄酱 各有风味 就算唔配酱都好好食。慢煮三文鱼扒～ 依家系慢煮既世界 我自己都钟意。三文鱼终极嫩滑 入口好surprising. 配上Fregola 烟烟韧韧 口感丰富。而且酱汁系杂绵海鲜煮成 带子虾仁 粒粒新鲜弹牙 正～龙虾意大利饭～ 海鲜控请注意！必食。龙虾好鲜甜 好弹牙 劲新鲜。龙虾汁煮成既意大利饭 香浓creamy 有咬口又唔会太硬。推介！呢度既环境同食物 真是好岩好姐妹谈心。当然都见到好多情侣拍拖 哈哈。