灜鐵板燒

营业中

休息中

⭐️铁板赖尿虾喺烧紧嘅时候香味已经不断咁飘过嚟，令人垂涎三尺🤤睇得出师傅经验老到，火候控制掌握得非常之好。只系简单调味，已经系人间美食！肉质新鲜肥美，口感爽口弹牙，食落虾味浓郁带少许牛油香气😋👍🏻⭐️马友鱼以即场盐焗嘅方式烹调，保留到佢特有嘅鲜味。师傅功力深厚，做到皮脆金黄但鱼肉又保持嫩滑。鱼油丰腴，食完齿颊留香🤤⭐️帆立贝北海烧烧完都仲好大粒😍质地厚实，纤维绵密。几有嚼劲，配上醒胃嘅酱汁，非常滋味！⭐️樱花虾高菜渍炒饭师傅三两下就炒好睇到我目定口呆😱炒得好够镬气🔥火候控制得啱啱好，唔会太干、太湿或太油。材料丰富，樱花虾彻底爆香入味，好出色！