一君士多 (已結業)

喺尖沙咀行完街，咁岩见到呢间一君士多，睇落装修几有格调，光猛整洁，就入左去～餐牌选择都几多，有泡饭、咖哩饭、牛肉饭同车仔面～～我就拣左个「火山之牛饭」，窝蛋牛肉配上日式牛丼汁！生鸡蛋摆到成个火山咁，捞匀食，牛丼汁另上，唔怕整林晒啲饭，比起连锁快餐店既牛肉饭，一君既牛肉饭更重牛味，超浓缩既牛汁，食得出真材实料！另外，朋友拣既「炸广岛蚝日本咖喱饭」都好正，有四大粒厚肉饱满既生蚝，外表炸得酥脆，内里超juicy,配上香浓日式咖喱，食得好滋味～～呢度既小食都有多种选择，蜜饯炸鸡翼炸得金黄～有得饮原味樽仔奶茶，浓浓茶香！粒粒菠萝冰～～有得饮有得嚼～