影片
更多
2022-08-20
3690 浏览
由嗅觉延伸到视觉，继而再到味觉。润嘅点心走新派创意路线，高档材料入馔，精致嘅卖相及细腻嘅味道，厨师巧手制作为食客带来味蕾享受及惊喜。服务员态度殷勤有礼，声线柔和，对客人有眼神接触。每一道食物送上枱时都会详细介绍。时时留意客人需要，斟茶勤快，换碟次数亦刚好，唔会令客人觉得骚扰。餐厅嘅装修柔合高贵优雅与时尚现代感。室内光线充足，阳光洒进室内，令人坐得舒适写意，气氛放松。🍅蕃茄浓汤牛肉球 $128 - 牛肉球质地松软，配上鲜蕃茄浓汤，味道鲜甜，中和牛肉球嘅油腻感觉同时亦提升肉香。🐟四喜鳕鱼果 $98 - 鳕鱼果入面除咗有鳕鱼之外，仲有咸鱼碎及马蹄粒，包含住意想不到嘅鲜味。🥬八宝如意素饺 $88 - 有菇菌、藜麦同埋红萝卜，蔬菜配搭鲜甜，口感清新轻盈。🦀香茜蟹肉饺 $88 - 外皮柔靭而且金光闪闪，十分可爱☺️淡淡芫荽香衬托出丝丝蟹肉嘅鲜甜。🦪脆皮鲍鱼肠粉 $168 - 肠粉有米香，软滑柔嫩。薄薄一层脆浆包住一片有少许黏著牙齿感觉嘅鲍鱼，一啖有齐三种口感。🍤韭黄鲜虾煎腐皮卷 $128 - 腐皮新鲜，有豆香。外皮煎得金黄香口，韭黄嘅香同爽，配上虾仁嘅弹，滋味满载。⭐️麻辣海参山竹果 $98 - 紫色
服务员态度殷勤有礼，声线柔和，对客人有眼神接触。每一道食物送上枱时都会详细介绍。时时留意客人需要，斟茶勤快，换碟次数亦刚好，唔会令客人觉得骚扰。
餐厅嘅装修柔合高贵优雅与时尚现代感。室内光线充足，阳光洒进室内，令人坐得舒适写意，气氛放松。
🍅蕃茄浓汤牛肉球 $128 - 牛肉球质地松软，配上鲜蕃茄浓汤，味道鲜甜，中和牛肉球嘅油腻感觉同时亦提升肉香。
🐟四喜鳕鱼果 $98 - 鳕鱼果入面除咗有鳕鱼之外，仲有咸鱼碎及马蹄粒，包含住意想不到嘅鲜味。
🥬八宝如意素饺 $88 - 有菇菌、藜麦同埋红萝卜，蔬菜配搭鲜甜，口感清新轻盈。
🦀香茜蟹肉饺 $88 - 外皮柔靭而且金光闪闪，十分可爱☺️淡淡芫荽香衬托出丝丝蟹肉嘅鲜甜。
🦪脆皮鲍鱼肠粉 $168 - 肠粉有米香，软滑柔嫩。薄薄一层脆浆包住一片有少许黏著牙齿感觉嘅鲍鱼，一啖有齐三种口感。
🍤韭黄鲜虾煎腐皮卷 $128 - 腐皮新鲜，有豆香。外皮煎得金黄香口，韭黄嘅香同爽，配上虾仁嘅弹，滋味满载。
⭐️麻辣海参山竹果 $98 - 紫色及绿色酥皮，造型如山竹一样。味道层次丰富，口感酥脆，海参馅料麻麻香香，少许辣，十分有创意。
🥠娘惹香辣咸水角 $88 - 咸水角做成细细个青苹果般，仲有一片树叶形薯片垫底，的骰可爱。酥皮烟韧微甜，调味用上娘惹酱汁，辣得有层次，风味特别。
🦞海苔龙虾春卷 $168 - 龙虾肉大大粒，鲜甜弹牙，成条春卷都十分饱满扎实。海苔粉替春卷增添海洋鲜味。有别于一般春卷皮，呢款春卷用窝夫做外皮，所以特别脆，不过我觉得硬咗少少。
🐮锦绣球黑椒和牛酥 $138 - 和牛酥做成绣球型状，黑色及金黄色酥皮相间，手功细致。黑椒和牛馅料香辣惹味。
🦐笋尖虾饺 $98 - 外型既晶莹剔透又饱满，唔多唔少，啱啱好13折均匀嘅纹理，尽显师傅手艺。咬一啖之后，有汤汁缓缓渗透出嚟，一个人食晒一笼都唔过分。
🦀蟹子鲜虾烧卖 $98 - 有原只鲜虾，猪肉亦香滑，热辣辣，系一只传统好食嘅烧卖。
🍚鲍粒鲜虾福建炒饭 $368 - 如果有鸳鸯炒饭同福建炒饭俾我拣，我一定系拣鸳鸯炒饭。虽然两个都系有芡汁嘅炒饭，不过我之前食到嘅福建炒饭个芡汁都只系似蚝油加生粉水，印象麻麻。但系今次润嘅呢个福建炒饭，饭粒分明，干身有镬气，芡汁浓稠刚好，材料新鲜，口感丰富，令我对呢一款炒饭有所改观。
最后送上嘅甜品有🦋蝶豆花椰汁糕同💚开心果曲奇。蝶豆花椰汁糕颜色梦幻闪烁，椰汁味香浓之余口感带少少弹牙。开心果曲奇新鲜焗起，牛油味重，非常松化，我直头想买一打返屋企食😋
总括嚟讲，一分钱、一分货，润嘅价钱比一般酒楼高，不过食物质素、服务及环境全属高水准。如果想食一餐称心满意嘅点心，我一定会选择呢度💖
77 浏览
2 赞好
0 留言
101 浏览
1 赞好
0 留言
65 浏览
0 赞好
0 留言
56 浏览
0 赞好
0 留言
63 浏览
1 赞好
0 留言
50 浏览
0 赞好
0 留言
41 浏览
1 赞好
1 留言
34 浏览
0 赞好
0 留言
23 浏览
0 赞好
0 留言
21 浏览
0 赞好
0 留言
18 浏览
0 赞好
0 留言
20 浏览
0 赞好
0 留言
张贴
