念川居 (MOKO新世紀廣場)

营业中

休息中

琴日同屋企人一行3人嚟饮茶。 点知唔试由自可，一试便上瘾。我哋一共食咗10种点心，甜品加糖水。其中有，金山鹌鹑蛋烧卖，高汤牛肉丸，香茜牛肉肠，芙蓉海鲜芋角，沙嗲金钱肚，雪山叉烧包，鲜虾香煎腐皮卷，生磨芝麻卷(菲林)，蛋白杏仁茶，桂花姜茶花生汤圆。当中必食推介，生磨芝麻卷芝麻味香浓，口感嫩滑，好似食紧肠粉咁。芙蓉海鲜芋角加咗海鲜做馅料嘅芋角，食落唔会漏， 外皮炸得酥脆可口，一啲都唔油腻，一口气可以食两个。另外钟意食咸蛋黄同鹌鹑蛋嘅朋友 可以试下 ，金沙鹌鹑蛋烧卖。其实每样点心都好食，食得出点心师父嘅心机。绝对值得再返嚟试其他点心。