影片
更多
2024-03-27
79 浏览
好耐都冇试过一间令我咁惊喜既韩国餐厅。环境宽敞唔焗促, 店员除左服务好之外仲好有活力, 同场有客人庆祝生日佢地递蛋糕仲会带动全场气氛!! 好有当初韩风袭港个阵既Feel~~一直觉得韩国餐厅既前菜做得好既话, 出品都唔会差得去边。哩五小碟样样都好食, 特别系泡菜, 爽口之余味道有酸有辣仲有菜既本身甜味, 系出面好少食到哩个水准既泡菜!韩式火辣猪脚 +药膳菜包肉+辣拌荞麦冷面猪脚系连皮既所以有Q弹口感, 酱汁甜甜辣辣包满左猪脚好惹味!!五花腩系我中意既厚度, 肥瘦又岩岩好, 用爽甜既白菜包住食, 沾少少虾酱或者辣酱, 加埋泡菜同腌萝卜, 然后成个塞哂入口!!咁样食系最正既, 味道同口感都好丰富又有层次, 仪态可以唔洗理。辣拌荞麦冷面都几辣下!!但系冷拌又好似balance番D, 酱汁浓厚, 面条口感带点烟韧, 好味。炖牛排骨汤配饭牛排骨汤会连埋杯mini茅台上枱, 店员话咁样食功效好D, 有冇功效就唔知, 我净系知佢劲足料同劲好饮~~~ 大大条牛排骨轻易咬开, 肉腍又重牛肉味。汤入面有条好粗下既人参,啖汤清甜兼带浓浓既牛骨香, 又唔会油腻, 哩个系我食过最好食既牛排骨汤。真系好耐都冇试过食
环境宽敞唔焗促, 店员除左服务好之外仲好有活力, 同场有客人庆祝生日佢地递蛋糕仲会带动全场气氛!! 好有当初韩风袭港个阵既Feel~~一直觉得韩国餐厅既前菜做得好既话, 出品都唔会差得去边。哩五小碟样样都好食, 特别系泡菜, 爽口之余味道有酸有辣仲有菜既本身甜味, 系出面好少食到哩个水准既泡菜!
韩式火辣猪脚 +药膳菜包肉+辣拌荞麦冷面猪脚系连皮既所以有Q弹口感, 酱汁甜甜辣辣包满左猪脚好惹味!!
五花腩系我中意既厚度, 肥瘦又岩岩好, 用爽甜既白菜包住食, 沾少少虾酱或者辣酱, 加埋泡菜同腌萝卜, 然后成个塞哂入口!!咁样食系最正既, 味道同口感都好丰富又有层次, 仪态可以唔洗理。
辣拌荞麦冷面都几辣下!!但系冷拌又好似balance番D, 酱汁浓厚, 面条口感带点烟韧, 好味。
炖牛排骨汤配饭牛排骨汤会连埋杯mini茅台上枱, 店员话咁样食功效好D, 有冇功效就唔知, 我净系知佢劲足料同劲好饮~~~
大大条牛排骨轻易咬开, 肉腍又重牛肉味。汤入面有条好粗下既人参,啖汤清甜兼带浓浓既牛骨香, 又唔会油腻, 哩个系我食过最好食既牛排骨汤。
真系好耐都冇试过食到一间令我咁满意既韩国餐厅, 已经约左朋友再访~~
张贴
